Akala ko Noong Una

Akala ko noong una,
Baka mahuhulog sa iyo ng di namamalayan,
Nagkamali pala ako,
Pagkat lagpas pa sa pagkahulog naramdaman.

Akala ko noong una,
Gugustuhing makausap ka't makita,
Nagkamali pala ako,
Pagkat humigit pa sa kagustuhan ang ika'y makasama.

Akala ko noong una,
Lahat ay naiba nang ikay unang makasama,
Nagkamali pala ako,
Pagkat naiba rin pakikitungo mo.

Akala ko noong una,
Hiling ko'y pagbibigyan,
Nagkamali pala ako,
Pagkat ika'y biglang nang-iiwan,
Seryosong usapan, di pinapayagan,
Di nagpapaalam, ako'y binabalewala lamang.



Akala ko noong una,
Komunikasyon ang magiging umpisa ng lahat,
Nagkamali pala ako,
Kawalan ng interes ang sa aki'y naipakita mo.

Akala ko noong una,
Ansarap magbasa ng tula,
Nagkamali pala ako,
Pagkat hanggang umpisa lang pala lahat ng 'to.

Akala ko noong una,
Di ko daramdamin negatibong ugali mo,
Nagkamali pala ako,
Pagkat, dahil sa mga nagawa mo,
 Limitasyon ko'y napagtanto.

Akala ko noong una,
Paglipat mo ng school ay balewala,
Nagkamali pala ako,
Pagkat, ambilis mong nakalimot ata.





Akala ko noong una,
Tama kang mayabang nga ako,
Ngunit nagkakamali ka,
Hindi ako mayabang, hindi lang kasi ako perpekto,
Para maging ganoon sa ninanais mo,
Alalahanin mo, tao pa rin ako.

Akala ko noong una,
Magbibigay ka ng reaksyon mo sa bawat linya,
Nagkamali pala ako,
Pagkat pambabalewala ay muling ipinadama mo,
Ipinagkait, pag-awit sa iyo ng galing sa puso.

Paulit-ulit akong humihingi ng tawad,
Kahit na alam kong may pagkakamali ka rin,
Paulit-ulit kitang minimensahe,
Kahit na alam kong di mo ako rereplayin,
Paulit-ulit akong humihingi ng dispensa,
Kahit na alam kong nagsasawa ka na sa akin,
At higit sa lahat,
Paulit-ulit kitang iniisip,
Kahit na alam kong kahit kailan ay di ka magsasayang ng oras para lang ako'y alalahanin.



Napakasakit isipin,
Ngunit kailangang tanggapin,
Napakasakit tanggapin,
Ngunit kailangang tiisin,
Napakasakit tiisin,
Ngunit kailangang gawin,
Napakahirap gawin...

Ngunit naalala ko, kailangan
Sapagkat, alam ko,
Pagpaparaya ang pinakamabuting paraan.